ఆగస్టులో అన్నీ ప్రభుత్వ సెలవులే..! బ్యాంక్‌ పనులుంటే ముందే ప్లాన్‌ చేసుకోండి..

అమ్మో.. ఒకటో తారీఖు అన్నట్టుగానే ఆగస్టు నెల అప్పుడే వచ్చేసింది. శ్రావణ మాసం ఆరంభంతో ఇక అన్ని పండుగలు, పర్వదినాలు మొదలైనట్టే. ఆగస్టు నెల ప్రభుత్వ ఉద్యోగులకు మాత్రం రెట్టింపు సంతోషాన్నిచ్చేదిగా చెప్పాలి. ఎందుకుంటే.. ఈ ఆగస్టులో చాలా ప్రభుత్వ సెలవులు ఉన్నాయి. ఈ నెలలో ఆరు, ఏడు రోజులు కాదు ఏకంగా, 15 రోజులు బ్యాంకు సెలవులు ఉండనున్నాయి. ప్రభుత్వ సెలవులతో పాటు ఈ సెలవుల్లో రెండవ-నాల్గవ శనివారాలు, ఆదివారాలు కూడా ఉన్నాయి. ఆ పూర్తి డిటెల్స్‌ ఇక్కడ తెలుసుకుందాం…

రిజర్వ్ బ్యాంక్ ఆఫ్ ఇండియా (ఆర్బీఐ) క్యాలెండర్ ప్రకారం.. నెగోషియబుల్ ఇన్‌స్ట్రుమెంట్స్ యాక్ట్ కింద ప్రతి సంవత్సరం బ్యాంకు సెలవుల జాబితాను విడుదల చేస్తుంది. ఈ చట్టం ప్రకారం.. చెక్కులు, ప్రామిసరీ నోట్స్ వంటి పత్రాల ప్రాసెసింగ్ కూడా సెలవు దినాలలో జరగదు. అటువంటి పరిస్థితిలో మీకు ఈ నెలలో బ్యాంకులో ఏదైనా పని ఉంటే, ముందుగానే ఈ బ్యాంకు సెలవుల డిటెల్స్‌ తెలుసుకోవటం మంచిది. ఇది మీ సమయాన్ని, డబ్బును కూడా ఆదా చేసేందుకు తోడ్పడుతుంది.

ఆగస్టు 2025 సెలవుల పూర్తి జాబితా:

ఆగస్టు 8, 13 తేదీల్లో బ్యాంకులకు సెలవులు: ఆగస్టు 8 రక్షా బంధన్ రాజస్థాన్, ఉత్తరాఖండ్, యూపీలో బ్యాంకులకు సెలవు. టెండోంగ్ లో రమ్ ఫట్ సందర్భంగా ఆగస్టు 8 (శుక్రవారం) సిక్కింలోని గ్యాంగ్‌టక్‌లో బ్యాంకులు మూసివేయబడతాయి. ఆగస్టు 13 (బుధవారం) దేశభక్తి దినోత్సవ వేడుకల సందర్భంగా మణిపూర్‌లోని ఇంఫాల్‌లో మాత్రమే బ్యాంకులు మూసివేయబడతాయి.