Amaravati News Navyandhra First Digital News Portal
హిందూ మతం ప్రకారం చక్రాలు శరీరంలోని ఏడు శక్తి కేంద్రాలు. మానవ శరీరంలోని ఏడు చక్రాల గురించి తెలుసుకోవడం చాలా ఆసక్తికరమైన విషయం. ఈ చక్రాలు శక్తి కేంద్రాలుగా పరిగణించబడుతున్నాయి. మన శారీరక, మానసిక, ఆధ్యాత్మిక ఆరోగ్యాన్ని ప్రభావితం చేస్తాయి. ఈ చక్రాలను ధ్యానం, మంత్రాల జపనం. ఇతర ఆధ్యాత్మిక అభ్యాసాల ద్వారా యాక్టివేట్ చేయవచ్చు. అయితే, ఈ ప్రక్రియ సులభం కాదు. దీనికి క్రమశిక్షణ. సమర్పణ అవసరం. సరైన గైడెన్స్ లేదా సిద్ధుల సహాయం ఉంటే ఈ ప్రక్రియను సులభతరం చేయవచ్చు. ఆ ఏడు గురించి ఈ స్టోరీలో వివరంగా తెలుసుకుందాం..
మూలాధార చక్రం, శరీరంలోని మొదటి చక్రం, నడుము, లింగం మధ్య ఉంటుంది. ఇది భౌతిక శక్తి, స్థిరత్వం, భద్రతకు సంబంధించినది. దీని రంగు: ఎరుపు. బీజ మంత్రం: లం. ది సరిగ్గా పనిచేయకపోతే, మలబద్ధకం, డయేరియా, మరియు ఇతర ఆరోగ్య సమస్యలు వచ్చే అవకాశం ఉంది.
స్వాధిష్ఠాన చక్రం, రెండవ చక్రం, మూలాధారానికి నాలుగు అంగుళాల పైన ఉంటుంది. దీని రంగు: నారింజ. బీజ మంత్రం: వాం. ఇది సృజనాత్మకత, భావోద్వేగాలు, లైంగికతను సూచిస్తుంది. ఇది సరిగ్గా పనిచేయకపోతే, మానసిక అస్థిరత మరియు సంబంధాలలో సమస్యలు వచ్చే అవకాశం ఉంది.
మణిపూరక చక్రం, మూడవ చక్రం, నాభి వద్ద ఉంటుంది. దీని రంగు: పసుపు. బీజ మంత్రం: రం. ఇది ఆత్మవిశ్వాసం, శక్తి, స్వీయ-నియంత్రణను సూచిస్తుంది. ఇది సరిగ్గా పనిచేయకపోతే, జీర్ణ సంబంధిత సమస్యలు, ఆత్మవిశ్వాస లోపం వచ్చే అవకాశం ఉంది.
అనహత చక్రం, నాలుగవ చక్రం, గుండె వద్ద ఉంటుంది. ప్రేమ, కరుణ, సానుభూతికి సంబంధించినది. దీని రంగు: ఆకుపచ్చ. బీజ మంత్రం: యం. ఇది సరిగ్గా పనిచేయకపోతే, గుండె జబ్బులు, మానసిక ఒత్తిడి వచ్చే అవకాశం ఉంది.
విశుద్ధ చక్రం, ఐదవ చక్రం, గొంతు వద్ద ఉంటుంది. కమ్యూనికేషన్, స్వీయ వ్యక్తీకరణ, సత్యవాదానికి సంబంధించినది. దీని రంగు: నీలం. బీజ మంత్రం: హం. ఇది సరిగ్గా పనిచేయకపోతే, ధ్వని సంబంధిత సమస్యలు మరియు కమ్యూనికేషన్ సమస్యలు వచ్చే అవకాశం ఉంది.
అజ్ఞ చక్రం, ఆరవ చక్రం, కనుబొమ్మల మధ్య ఉంటుంది. అంతర్ దృష్టి, జ్ఞానం, మరియు స్పష్టతను సూచిస్తుంది. దీని రంగు: గాఢమైన నీలం. బీజ మంత్రం: ఊం. ఇది సరిగ్గా పనిచేయకపోతే, తలనొప్పి, మైగ్రేన్, మానసిక అస్థిరత వచ్చే అవకాశం ఉంది.
చివరగా, సహస్రార చక్రం, ఏడవ చక్రం, మెదడు పైభాగంలో ఉంటుంది. ఇది ఆధ్యాత్మికత, జ్ఞానోదయం, అనుసంధానంను సూచిస్తుంది. దీని రంగు: ఊదా. బీజ మంత్రం: ఓం. ఇది సరిగ్గా పనిచేయకపోతే, మానసిక అనారోగ్యం మరియు ఆధ్యాత్మిక అస్థిరత వచ్చే అవకాశం ఉంది.
