ఏడాదికి రూ.32 వేలు ఆదా.. ఈ కేంద్రం స్కీమ్‌తో ఉచిత కరెంట్.. ఎలా అప్లై చేసుకోవాలంటే?

PM Surya Ghar Yojana: నానాటికి పెరిగిపోతున్న విద్యుత్తు బిల్లులతో సామన్య, మధ్యతరగతి ప్రజలపై మోయలేని భారం పడుతోంది. ఈ సమస్యకు పరిష్కారేం చుపించేందుకు కేంద్ర ప్రభుత్వం ఒక అద్భుతమైన పథకాన్ని తీసుకొచ్చింది. ఇంటి పైకప్పుపై సోలార్ ప్యానళ్లను ఏర్పాటు చేసుకుని ఉచిత కరెంటు పొందవచ్చు. జీవితాంతం ఉచిత విద్యుత్తు పొందడమే కాదు మిగులు విద్యుత్తును విక్రయించి ఆదాయమూ పొందవచ్చు. అదే ప్రధాన మంత్రి సూర్య ఘర్ ముఫ్త్ బిజ్లి యోజన. దేశ వ్యాప్తంగా కోటి కుటుంబాలకు సోలార్ విద్యుత్తు ఏర్పాటుకు సబ్సిడీ ఇవ్వాలని కేంద్రం నిర్ణయించింది.

ఒక్కో ఇంటిపై గరిష్ఠంగా 3 కిలోవాట్ల వరకు ఇన్‌స్టాల్ చేసుకోవచ్చు. ఇందుకు కేంద్ర ప్రభుత్వం రూ.78 వేల చొప్పున సబ్సిడీ కల్పిస్తోంది. ఈ పథకాన్ని ఆంధ్రప్రదేశ్, తెలంగాణ రాష్ట్రాల నుంచి ఆశించిన స్పందన రాలేదని కేంద్రం పేర్కొంది. ఈ పథకం గురించి తెలుగు ప్రజల్లో సరైన అవగాహన లేకపోవడమే ఇందుకు కారణంగా తెలిపింది. ఈ పథకం ద్వారా ఏడాదికి రూ.32 వేలు ఆదా చేసుకోవచ్చని, నిరంతరాయ విద్యుత్తు పొందవచ్చని పేర్కొంది. మరి ఈ స్కీమ్ కోసం ఎలా దరఖాస్తు చేసుకోవాలో తెలుసుకుందాం.

పీఎం సూర్య ఘర్ పథకం ద్వారా సబ్సిడీ ఒక్కో కిలోవాట్‌కు రూ.30 వేలు ఇస్తుంది కేంద్రం. రెండు కిలో వాట్లకు రూ.60 వేలు, 3 కిలోవాట్లకు రూ.18 వేలు సబ్సిడీ అందిస్తుంది. అంటే ఇంటిపై 3 కిలోవాట్ల సోలార్ ప్యానళ్లను ఏర్పాటు చేసుకుంటే రూ.1.45 లక్షలు ఖర్చవుతుంది. దీనిపై కేంద్రం రూ.78 వేలు రాయితీ అందిస్తుంది. మిగితా సొమ్మును ఎలాంటి తనఖా లేకుండానే బ్యాంకు ద్వారా లోన్ తీసుకోవచ్చు. దేశంలోని దిగ్గజ బ్యాంకులైన ఎస్‌‍బీఐ, హెచ్‌‍డీఎఫ్‌సీ, యూబీఐ వంటివి ఈ లోన్లు ఇస్తున్నాయి.

నెలకు 0-150 యూనిట్ల వరకు కరెంట్ వాడుకునే వారికి 1-2 కిలోవాట్ల సోలార్ ప్యానళ్లు ఏర్పాటు చేసుకోవచ్చు. 150-300 యూనిట్ల వరకు అయితే 2-3 కిలోవాట్ల ప్యానళ్లు ఏర్పాటు చేసుకోవచ్చు. ఆపైన సైతం ఏర్పాటు చేసుకోవచ్చు. అయితే సబ్సిడీ మాత్రం రూ.78 వేలు మాత్రమే వస్తుంది. ఈ స్కీమ్ ద్వారా వచ్చే విద్యుత్తును వాడుకుని మిగిలిన కరెంటును కావాలంటే నెట్ మీటరింగ్ ద్వారా ఇతరులకు విక్రయించుకోవచ్చు. సూర్య ఘర్ అధికారిక వెబ్‌సైట్లో పేర్కొన్న వివరాల ప్రకారం 1 కిలోవాట్‌కు 120 యూనిట్ల విద్యుత్తు ఉత్పత్తి అవుతుంది. ప్రస్తుత రేట్ల ప్రకారం నెలకు రూ.1000 బిల్లు వస్తుంది. సోలార్ ప్యానళ్ల ఖర్చు రూ.338 మాత్రమే. అంటే ఏడాదికి రూ. 8 వేలు ఆదాయ అవుతుంది. 240 యూనిట్లు వినియోగిం వారికి నెలకు రూ.2 వేలు బిల్లు వస్తుంది. సోలార్ వ్యవస్థ ద్వారా రూ.333 ఖర్చవుతుంది. 360 యూనిట్లు వినియోగించే వారికి అయితే ఏడాదికి రూ.32 వేలు ఆదా అవుతాయి.

దరఖాస్తు విధానం ఇలా..

• పీఎం సూర్య ఘర్ పోర్టల్ pmsuryaghar.gov.inలో రిజిస్టర్ చేసుకోవాలి. మీ రాష్ట్రం, విద్యుత్తు సరఫరా కంపెనీ ఎంపిక చేసుకోవాలి. విద్యుత్ కనెక్షన్ నంబర్, ఫోన్ నంబర్, ఇ-మెయిల్ ఐడీ ఇవ్వాలి.
• ఆ తర్వాత మీ విద్యుత్తు కన్జ్యూమర్ నంబర్, ఫోన్ నంబర్‌తో లాగిన్ కావాలి. రూఫ్ టాప్ సోలార్ కోసం అప్లయ్ చేయాలి. ఫారం ఫిల్ చేసి డిస్కమ్ నుంచి అనుమతులు వచ్చే వరకు వేచి ఉండాలి. అనుమతులు వచ్చిన తర్వాత డిస్కమ్ గుర్తింపు పొందిన విక్రేతల నుంచి సోలార్ ప్లాంట్ ఏర్పాటు చేసుకోవాలి. ఆ తర్వాత వివరాలను పోర్టల్‌లో సమర్పించి నెట్ మీటర్ కోసం దరఖాస్తు చేయాలి.
• నెట్ మీటర్‌ ఇన్‌స్టాల్ చేశాక డిస్కమ్ అధికారులు తనిఖీ చేస్తారు. ఆ తర్వాత కమిషనింగ్ సర్టిఫికెట్ ఇస్తారు. ఈ రిపోర్ట్ వచ్చాక మీ బ్యాంకు ఖాతా వివరాలతో క్యాన్సిల్ చేసిన చెక్ పోర్టల్ లో అప్లోడ్ చేయాలి. 30 రోజుల్లో సబ్సిడీ వస్తుంది.