డైలీ 1.5 GB డేటా.. జియో, ఎయిర్‌టెల్, బీఎస్ఎన్ఎల్ ఏది చీప్.. దేంట్లో ఎంత రీఛార్జ్ చేయాలి?

Daily 1.5 GB Data Plans: తక్కువ ధరల్లోనే అన్‌లిమిటెడ్ కాలింగ్, డేటా, ఎస్ఎంఎస్‌లు అని రీఛార్జ్ ప్లాన్స్ తీసుకొచ్చి దేశంలో కొన్నేళ్ల కిందట రిలయన్స్ జియో సంచలనం సృష్టించిందని చెప్పొచ్చు. జియో రాకతో.. జనం దీనికి అలవాటుపడ్డారు. దెబ్బకు ఎయిర్‌టెల్, వొడాఫోన్- ఐడియా, బీఎస్ఎన్ఎల్ వంటివి కుదేలయ్యాయి. వీటి సబ్‌స్క్రైబర్లు భారీగా తగ్గి మెజార్టీ సంఖ్యలో జియోకు మారిపోయారు. కొంతకాలం బాగానే నడిచినా.. తర్వాత్తర్వాత జియో బాటలోనే అన్నీ పయనించాయి. కాలం ఎప్పుడూ ఒకేలా ఉండదు. అలాగే రీఛార్జ్ ప్లాన్లు కూడా. ముందుగా అన్‌లిమిటెడ్ నెట్‌వర్క్‌కు అలవాటు పడేలా చేసి.. విడతల వారీగా రేట్లను పెంచుకుంటూ పోయాయి. కాలింగ్, డేటా వినియోగించుకోవాలంటే కచ్చితంగా ఇంత మొత్తం రీఛార్జ్ చేసుకోవాల్సిందే అన్నట్లుగా మారిపోయింది పరిస్థితి. డేటా అవసరం కూడా పెరిగింది. ఇదే అదునుగా విచ్చలవిడిగా రీఛార్జ్ ప్లాన్స్ తీసుకొస్తున్నాయి టెలికాం సంస్థలు.

ఇటీవల సార్వత్రిక ఎన్నికలు ముగిసిన తర్వాత.. టెలికాం కంపెనీలు మరోసారి టారిఫ్స్ పెంచిన సంగతి తెలిసిందే. గరిష్టంగా దాదాపు 25 శాతం వరకు పెరిగిన సంగతి తెలిసిందే. దీంతో ఎవరు.. ఎంత పెట్టి రీఛార్జ్ చేసుకోవాలో అర్థం కాని పరిస్థితి. అన్ని ఆప్షన్లు ఉన్నాయి మరి ఇప్పుడు. డైలీ 1 GB, 1.5 GB, 2 GB, 3 GB డేటా ఇలా ఎన్నో ఉన్నాయి. మరి టారిఫ్స్ పెంచిన తర్వాత .. సగటున చాలా మంది ఎక్కువగా వాడే రోజుకు 1.5 GB డేటా ప్లాన్స్ కోసం.. నెల, 3 నెలల వ్యవధితో ఏ నెట్‌వర్క్‌లో ఎంత చెల్లించాలనేది చూద్దాం.

రూ. 889 రీఛార్జ్‌తో 84 రోజుల పాటు డైలీ 1.5 జీబీ డేటా వస్తుంది. కాలింగ్ కూడా అపరిమితం. ఇక్కడ జియో సినిమా, క్లౌడ్, జియో టీవీ, జియో సావన్ ప్రోకు ఫ్రీ యాక్సెస్ ఉంటుంది.
భారతీ ఎయిర్టెల్- దీంట్లో 28 రోజుల వ్యాలిడిటీతో రోజుకు 1.5 GB ఇంటర్నెట్ కావాలంటే రూ. 349 రీఛార్జ్ చేయాలి. ఇక్కడ అపోలో 24/7 సర్కిల్, వింక్ మ్యూజిక్ యాప్‌లో నెలకు ఒక ఉచిత హలో ట్యూన్, స్పామ్ కాల్ అలర్ట్ వంటి బెనిఫిట్స్ వస్తాయి. 84 రోజుల వ్యాలిడిటీతో ఇదే బెనిఫిట్స్‌తో రూ. 799 రీఛార్జ్ చేసుకోవాలి.

వొడాఫోన్- ఐడియా– దీంట్లో డైలీ 1.5 జీబీ డేటా కావాలంటే 28 రోజులకు రూ. 349 రీఛార్జ్ చేసుకోవాలి. ఇది ఎయిర్‌టెల్ మాదిరిగానే ఉంది. రోజూ రాత్రి 12 నుంచి మార్నింగ్ 6 వరకు అపరిమిత డేటా వాడుకోవచ్చు. ప్రతి నెలా బ్యాకప్ డేటాగా 2 GB ఫ్రీగా వస్తుంది. 84 రోజుల వ్యాలిడిటీతో రూ. 859 రీఛార్జ్ చేసుకోవాలి.

BSNL- ప్రభుత్వ రంగ టెలికాం సంస్థ బీఎస్ఎన్ఎల్‌లో 28 రోజుల వ్యాలిడిటీతో డైలీ 1.5 GB డేటా, అపరిమిత కాలింగ్ ఉంది. దీనికి రూ. 187 రీఛార్జ్ చేస్తే సరిపోతుంది. ఇక్కడ బీఎస్ఎన్ఎల్ ట్యూన్స్, హర్డీ గేమ్స్ వంటి సదుపాయాలు ఉంటాయి. 80 రోజుల గడువు కోసం రోజుకు 2GB డేటా వస్తుంది. ఇక్కడ రూ. 485 రీఛార్జ్ సరిపోతుంది. అన్నింట్లో పోలిస్తే బీఎస్ఎన్ఎల్‌‌లో రీఛార్జ్ రేట్లు చీప్‌గా ఉంటాయి. తర్వాత జియోనే బెటర్ అని చెప్పొచ్చు.