Amaravati News Navyandhra First Digital News Portal
తెలుగు ఓటీటీ ప్లాట్‌ఫామ్ ఆహాలో ‘అన్‌స్టాపబుల్ విత్ ఎన్‌బీకే’షోకి ఉన్న క్రేజే వేరు. నందమూరి బాలకృష్ణ బ్లాక్ బస్టర్ హోస్టింగ్‌కి తోడు షో ఇచ్చే ఎంటర్‌నైన్‌మెంట్‌కి ఆడియన్స్ ఫిదా అయిపోతున్నారు. ఇప్పటికే మూడు సీజన్లు సూపర్ హిట్ కాగా ఇటీవల మొదలైన నాలుగో సీజన్ కూడా అదే రేంజ్‌లో దూసుకుపోతుంది. ఇక తాజాగా ఐకాన్ స్టార్ అల్లు అర్జున్ ఈ షోకి గెస్టుగా వచ్చిన సంగతి తెలిసిందే. ఇప్పటికే ఇందుకు సంబంధించిన ప్రోమో వైరల్ అయింది. ఇక మరికొన్ని గంటల్లోనే ఈ ఎపిసోడ్ స్ట్రీమింగ్ కానుంది.
ప్రభాస్ బంగారం
అల్లు అర్జున్ ఎపిసోడ్‌కి సంబంధించిన ఫస్ట్ పర్ట్ నవంబర్ 15 అర్ధరాత్రి 12 గంటల నుంచి ఆహాలో స్ట్రీమింగ్ కానుంది. ఈ పార్ట్‌లో బాలయ్యతో బన్నీ చేసిన హంగామా మాములుగా ఉండేలా లేదు. తన పర్సనల్ లైఫ్, కెరీర్ సహా తన తోటి సెలబ్రెటీల గురించి బన్నీ మాట్లాడిన విశేషాలు ఇందులో చూపించబోతున్నారు.
కెరీర్ మొదటి నుంచి ఇప్పుడు పాన్ ఇండియా స్టార్ అయిన స్థాయి వరకూ తన జర్నీ విశేషాలను కూడా బన్నీ ఇందులో చెప్పారు. ముఖ్యంగా చిన్నప్పుడు ఆయన చేసిన అల్లరి నుంచి స్నేహా రెడ్డిని పెళ్లాడాక తన లైఫ్‌లో వచ్చిన మార్పుల గురించి కూడా బన్నీ పంచుకున్నారు. ఇక ఈ ఎపిసోడ్‌లో హైలెట్ అయిన విషయం ఏంటంటే పవన్ కళ్యాణ్, ప్రభాస్, మహేష్ బాబు లాంటి టాలీవుడ్ టాప్ స్టార్స్‌పై తనకున్న ఇష్టం, అభిమానం గురించి బన్నీ ఇంట్రెస్టింగ్‌ కామెంట్స్ చేశారు. ముఖ్యంగా ప్రభాస్ అయితే ఆరడుగుల బంగారం అంటూ బన్నీ చెప్పిన మాటలు వైరల్ అవుతున్నాయి. అలానే సూపర్ స్టార్ రజినీకాంత్, బాలీవుడ్ హీరో రణబీర్ కపూర్ గురించి కూడా బన్నీ రియాక్ట్ అయ్యారు.
నేషనల్ అవార్డ్‌పై
ఇక పుష్ప చిత్రానికి గాను తనకి నేషనల్ అవార్డు రావడంపై కూడా అల్లు అర్జున్ మాట్లాడారు. ఇన్నేళ్ల టాలీవుడ్ సినీ చరిత్రలో ఒక్క తెలుగు యాక్టర్‌కి కూడా ఉత్తమ నటుడు అవార్డు రాకపోవడం తనని చాలా బాధించిందని.. అందుకే ఎప్పటికైనా దాన్ని అందుకోవాలని అనుకున్నట్లు బన్నీ చెప్పారు. ఇక ఎపిసోడ్‌లో అల్లు అర్జున్ తల్లి నిర్మల రావడం మరో స్పెషల్ అట్రాక్షన్ కానుంది.
ఇలా అన్‌స్టాపబుల్ లేటెస్ట్ ఎపిసోడ్ ఇటు ఎమోషనల్, అటు ఎంటర్‌టైన్‌మెంట్‌ల కలయికతో రానుంది. ఇప్పటికే ఈ ఎపిసోడ్‌కి సంబంధించిన ప్రోమోలు సోషల్ మీడియాలో తెగ వైరల్ అయ్యాయి. మెగా ఫ్యాన్స్ అయితే పవన్ కళ్యాణ్ గురించి బన్నీ ఏం మాట్లాడారా అని ఆసక్తిగా ఎదురుచూస్తున్నారు.
