‘పుష్ప 2’ సరికొత్త రికార్డు!.. ఇది బన్నీ రూల్

Pushpa 2 Theatre Count పుష్ప 2 సినిమాతో బన్నీ రికార్డులు క్రియేట్ చేసేలా ఉన్నాడు. ఇంత వరకు రాజమౌళి చిత్రాలు, ప్రభాస్ సినిమాలు మాత్రమే ఈ స్థాయి బిజినెస్, హైప్‌ను క్రియేట్ చేశాయి. ఇక ఎన్టీఆర్ దేవర చిత్రం 500 కోట్ల క్లబ్బులో చేరింది. కానీ బన్నీ పుష్ప 2 సినిమా మొదటి రోజే 200 కోట్లు దాటేలా ఉంది. ఈ మూవీకి మినిమం టాక్ వచ్చినా కూడా దేవర రికార్డులు లేచిపోతాయి. పాజిటివ్ టాక్ వస్తే మాత్రం యానిమల్ రేంజ్‌లో కలెక్ట్ చేసేలా ఉంది. ఇప్పటికే నాన్ థియేట్రికల్ ద్వారా 420 కోట్లు వచ్చిన సంగతి తెలిసిందే.

సుకుమార్ అల్లు అర్జున్ కాంబోలో రూపొందుతున్న పుష్ప 2 చిత్రం డిసెంబర్ 5న రాబోతోన్న సంగతి తెలిసిందే. ఈ మేరకు కొత్త రిలీజ్ డేట్‌ను ప్రకటించేందుకు అన్ని రాష్ట్రాల డిస్ట్రిబ్యూటర్లతో కలిసి మేకర్లు ప్రెస్ మీట్ పెట్టారు. అందులో కన్నడ, కేరళ, తమిళ, హిందీ డిస్ట్రిబ్యూటర్లు పుష్పకి ఉన్న క్రేజ్.. బన్నీ మేనియా గురించి చాలా గొప్పగా చెప్పారు. అన్ని చోట్లా డే వన్‌లో పుష్ప 2 రికార్డులు క్రియేట్ చేసేలా డిస్ట్రిబ్యూటర్లు ప్లాన్ చేస్తున్న సంగతి తెలిసిందే. అన్ని చోట్లా మ్యాగ్జిమం థియేటర్లు పుష్ప 2కి ఇస్తున్నారని సమాచారం.

డిసెంబరు 5న ఈ చిత్రాన్ని ప్రపంచవ్యాప్తంగా విడుదల చేస్తున్నట్లు ఇటీవల జరిగిన నేషనల్‌ ప్రెస్‌మీట్‌లో నిర్మాతలు తెలియజేశారు. తాజాగా ఈ చిత్రానికి సంబంధించిన మరో సన్సేషనల్‌ న్యూస్‌ను బయటకు వదిలారు. పుష్ప-2 చిత్రాన్ని ప్రపంచవ్యాప్తంగా ఆరు భాషల్లో కలిపి 11,500 స్ర్కీన్స్‌ల్లో విడుదల చేయడానికి సన్నాహాలు చేస్తున్నట్లుగా తెలిపారు. ఇండియాలో 6500 స్ర్కీన్స్‌ల్లో, ఓవర్సీస్‌లో 5000 స్ర్కీన్స్‌ల్లో గ్రాండ్‌ విడుదలకు ప్లాన్‌ చేస్తున్నామని చెప్పేశారు.

అయితే ఇది బిగ్గెస్ట్‌ రిలీజ్‌ ఇండియన్‌ సినిమాగా ట్రేడ్‌ వర్గాలు చెబుతున్నాయి. ఇప్పటి వరకు ఏ ఇండియన్‌ సినిమా కూడా ఇలాంటి ఘనత సాధించలేదని అంటున్నారు. ఇక పుష్ప-2 బాక్సాఫీస్‌ రూల్‌లో కలెక్షన్ల పరంగా బాక్సీఫీస్‌ వద్ద ఎన్నో సంచలనాలు కూడా సృష్టిస్తుందని అంటున్నాయి ట్రేడ్‌ విశ్లేషకులు. డే వన్ రికార్డుల విషయంలో కొత్త చరిత్ర క్రియేట్ చేసేలా ఉందని అంటున్నారు. మినిమం రెండు వందల కోట్లు కొడుతుందని ధీమా వ్యక్తం చేస్తున్నారు.