ఏపీలో ఆ ఉద్యోగులందరూ తొలగింపు.. ప్రభుత్వం సంచలన నిర్ణయం

ఆంధ్రప్రదేశ్ ప్రభుత్వం సంచలన నిర్ణయం తీసుకుంది. వైఎస్సార్‌సీపీ ప్రభుత్వ హయాంలో రాజకీయ నేతల సిఫార్సులతో ఏపీఎండీసీ (ఏపీ ఖనిజాభివృద్ధి సంస్థ)లో ఎడాపెడా ఉద్యోగాలు ఇచ్చారనే విమర్శలు ఉన్నాయి. ఈ మేరకు సిఫార్సులతో ఉద్యోగాలు పొందిన వారికి ఆ శాఖ ఎండీ చెక్‌ పెట్టారు. పొరుగుసేవల కింద పనిచేస్తున్న 45 మందిని.. అంతేకాదు కాంట్రాక్టు విధానంలో తీసుకున్న 50 మందిని తొలగించారు. ఈ మేరకు ప్రభుత్వం మొత్తం 95 మంది పొరుగుసేవలు, కాంట్రాక్టు ఉద్యోగుల తొలగించారు.

ఈ 95మందికి ఐదేళ్లపాటు జీతాలు చెల్లించడంతో ఏపీఎండీసీపై అదనపు భారం పడింది. కూటమి ప్రభుత్వం అధికారంలోకి వచ్చిన తర్వాత వీరి వివరాలపై ఆరా తీశారు. ఆ వెంటనే వీరికి చెక్‌ పెట్టడం ప్రారంభించారు. ఈ ఉద్యోగుల కాంట్రాక్టు కాలం జూన్‌ తర్వాత నుంచి ముగిసినా.. వారి కాంట్రాక్టు మళ్లీ పొడిగించలేదు. ఈ మేరకు అలా దాదాపు 150 మంది ఉద్యోగులు బయటకు వెళ్లిపోయారు. గడువున్న ఉద్యోగుల్లో 65 మందిని కూడా తాజాగా తొలగించారు. ఈ మేరకు ఏపీ ప్రభుత్వం ఈ 95మందిని తొలగిస్తూ తీసుకున్న నిర్ణయం సంచలనంగా మారింది.మరోవైపు ఏపీ ప్రభుత్వం ఇన్ఫర్మేషన్‌ టెక్నాలజీ అకాడమీ (ఏపీఐటీఏ)ని రద్దు చేసింది. అందులో పనిచేస్తున్న కాంట్రాక్టు ఉద్యోగులను ఏపీఎస్‌ఎస్‌డీసీ (ఏపీ స్కిల్‌ డెవలప్‌మెంట్‌ కార్పొరేషన్‌)లో విలీనం చేస్తూ ప్రభుత్వం ఉత్తర్వులు జారీ చేసింది. ఈ మేరకు ఏపీఎస్‌ఎస్‌డీసీకు చెందిన ఆస్తులు, రికార్డులను నైపుణ్యాభివృద్ధి, శిక్షణ శాఖకు అప్పగించాలని ఉత్తర్వుల్లో పేర్కొన్నారు. ఈ మేరకు ఏపీఐటీఏ ఎండీ, ఏపీఎస్‌ఎస్‌డీసీ తగిన చర్యలు తీసుకోవాలని ఆదేశించింది.