IRCTC : రైల్వే సూపర్‌ యాప్‌ వచ్చేస్తోంది..?

IRCTC : భారతీయ రైల్వే (Indian Railway) రోజు రోజుకూ టెక్నాలజీ వినియోగంలో దూసుకుపోతోంది. ఐఆర్‌సీటీసీ ప్రస్తుతం ప్రతి ఒక్కరు వినియోగిస్తున్న యాప్‌. రైళ్లలో ప్రయాణం చేయాలనుకున్న ప్రతి ఒక్కరూ ఈ ఐఆర్‌సీటీసీని ఉపయోగిస్తున్నారు. అలాగే.. టికెట్‌ బుక్‌ చేసుకున్న తర్వాత పీఎన్ఆర్ స్టేటస్, రైలు లైవ్ స్టేటస్‌ తెలుసుకొనేందుకు వేర్వేరు యాప్‌లు, వెబ్‌సైట్‌లు వినియోగించాలి. ఈ కష్టాలకు చెక్ పెడుతూ ఐఆర్‌సీటీసీ ఓ కొత్త సూపర్ యాప్‌ (IRCTC Super APP) ను తీసుకొస్తోంది. ఈ యాప్ ద్వారా అన్ని రకాల రైల్వే సేవలు ఒకేచోట అందుబాటులోకి రానున్నట్లు సమాచారం.

రైల్వేశాఖకు సంబంధించి ఇకపై ఈ యాప్‌లోనే టికెట్స్‌ బుకింగ్‌ (Train Tickets Booking), పీఎన్‌ఆర్‌ స్టేటస్‌ (PNR Status Check), ట్రైన్‌ ట్రాకింగ్‌ (Train Tracking) చేసేందుకు వీలుంటుంది. అంతేకాదు రైలు ప్రయాణంలో ఫుడ్ ఆర్డర్ (Order Food) చేసుకునేందుకు కూడా ఈ యాప్ ఉపయోగపడుతుందట. ఇక.. ప్లాట్‌ఫారమ్‌ టికెట్ నుంచి జనరల్‌ టికెట్‌ వరకు ఆన్‌లైన్‌ మోడ్‌లో కొనుగోలు చేసే వీలుంటుంది. డిసెంబర్ చివరి నాటికి ఈ సూపర్ యాప్ అందుబాటులోకి రానున్నట్లు తెలుస్తోంది.