నేషనల్‌ అగ్రికల్చర్‌ అండ్‌ రూరల్‌ డెవలప్‌మెంట్‌ బ్యాంక్‌లో 102 ఉద్యోగాలు.. 

ముంబై ప్రధాన కేంద్రంగా పనిచేస్తున్న నాబార్డు (National Bank For Agriculture And Rural Development) భారీ జాబ్‌ నోటిఫికేషన్‌ విడుదల చేసింది. ఈ నోటిఫికేషన్‌ ద్వారా దేశవ్యాప్తంగా ఉన్న శాఖల్లో అసిస్టెంట్ మేనేజర్ పోస్టుల భర్తీకి నోటిఫికేషన్ విడుదల చేసింది. ఈ ప్రకటన ద్వారా 102 అసిస్టెంట్ మేనేజర్‌ ఖాళీలను భర్తీ చేయనున్నారు. సంబంధిత విభాగాల్లో 60 శాతం మార్కులతో డిగ్రీ, డిప్లొమా, పీజీ, పీజీ డిప్లొమా ఉత్తీర్ణులైనవారు దరఖాస్తు చేసుకోవచ్చు. అలాగే.. అభ్యర్థులు దరఖాస్తు ఫీజుగా రూ.850 చెల్లించాలి. ఎస్సీ, ఎస్టీ, దివ్యాంగులు రూ.150 చెల్లిస్తే సరిపోతుంది.

ఆగస్టు 15వ తేదీ వరకు దరఖాస్తు చేసుకోవచ్చు. సంస్థ ఉద్యోగులకు దరఖాస్తు ఫీజు నుంచి మినహాయింపు ఉంటుంది. ఈ ఉద్యోగాల భర్తీకి సంబంధించి రెండు దశల రాతపరీక్షలు (ప్రిలిమినరీ, మెయిన్), సైకోమెట్రిక్‌ టెస్ట్‌, ఇంటర్వ్యూ, డాక్యుమెంట్ వెరిఫికేషన్, మెడికల్ ఎగ్జామ్ ఆధారంగా అభ్యర్థులను ఎంపిక చేస్తారు. అభ్యర్థులు పూర్తి వివరాలను వెబ్‌సైట్‌లో చెక్‌ చేసుకోవచ్చు. అలాగే.. అప్లయ్‌ చేసుకోవడానికి అప్లికేషన్‌ డైరెక్ట్‌ లింక్‌ ఇదే.. క్లిక్‌ చేయండి.

విభాగాలు: జనరల్, చార్టర్డ్ అకౌంటెంట్, ఫైనాన్స్, కంప్యూటర్/ ఇన్ఫర్మేషన్ టెక్నాలజీ, అగ్రికల్చర్, యానిమల్ హస్బెండరీ, ఫిషరీస్, ఫుడ్ ప్రాసెసింగ్, ఫారెస్ట్రీ, ప్లాంటేషన్ అండ్‌ హార్టికల్చర్, జియో ఇన్ఫర్మేటిక్స్, డెవలప్‌మెంట్ మేనేజ్‌మెంట్, స్టాటిస్టిక్స్, సివిల్ ఇంజినీరింగ్, ఎలక్ట్రికల్ ఇంజినీరింగ్, ఎన్విరాన్‌మెంటల్ ఇంజినీరింగ్/ సైన్స్, హ్యూమన్‌ రిసోర్స్‌ మేనేజ్‌మెంట్‌, రాజ్‌భాష తదితర విభాగాల్లో ఈ ఖాళీలున్నాయి.

మొత్తం అసిస్టెంట్ మేనేజర్ పోస్టులు – 102

• జనరల్: 50 పోస్టులు
• చార్టర్డ్ అకౌంటెంట్: 04 పోస్టులు
• ఫైనాన్స్: 07 పోస్టులు
• కంప్యూటర్/ ఇన్ఫర్మేషన్ టెక్నాలజీ: 16 పోస్టులు
• అగ్రికల్చర్: 02 పోస్టులు
• యానిమల్ హస్బెండరీ: 02 పోస్టులు
• ఫిషరీస్: 01 పోస్టు
• ఫుడ్ ప్రాసెసింగ్: 01 పోస్టు
• ఫారెస్ట్రీ: 02 పోస్టులు
• ప్లాంటేషన్ అండ్‌ హార్టికల్చర్: 01 పోస్టు
• జియో ఇన్ఫర్మేటిక్స్: 01 పోస్టు
• డెవలప్‌మెంట్ మేనేజ్‌మెంట్: 03 పోస్టులు
• స్టాటిస్టిక్స్: 02 పోస్టులు
• సివిల్ ఇంజినీరింగ్: 03 పోస్టులు
• ఎలక్ట్రికల్ ఇంజినీరింగ్: 01 పోస్టు
• ఎన్విరాన్‌మెంటల్ ఇంజినీరింగ్/ సైన్స్: 02 పోస్టులు
• హ్యూమన్‌ రిసోర్స్‌ మేనేజ్‌మెంట్‌: 02 పోస్టులు
• రాజ్‌భాష: 02 పోస్టులు

ఇతర ముఖ్యమైన సమాచారం :

• అర్హత: పోస్టులను అనుసరించి సంబంధిత విభాగంలో కనీసం 60 శాతం మార్కులతో డిగ్రీ, డిప్లొమా, పీజీ, పీజీ డిప్లొమా ఉత్తీర్ణులై ఉండాలి.
• వయోపరిమితి: 01.07.2024 నాటికి 21 – 30 సంవత్సరాల మధ్య ఉండాలి. 02.07.1994 – 01.07.2003 మధ్య జన్మించి ఉండాలి. నిబంధనల మేరకు వయోపరిమితిలో సడలింపులు వర్తిస్తాయి. ఓబీసీలకు 3 ఏళ్లు, ఎస్సీ-ఎస్టీలకు 5 ఏళ్లు, దివ్యాంగులకు కేటగిరీలవారీగా 10-13-15 ఏళ్లు, ఎక్స్-సర్వీస్‌మెన్ అభ్యర్థులకు నిబంధనల మేరకు వయోసడలింపు వర్తిస్తుంది.
• దరఖాస్తు ఫీజు: ఎస్సీ, ఎస్టీ, పీడబ్ల్యూబీడీ అభ్యర్థులకు రూ.150. ఇతరులకు రూ.850. స్టాఫ్‌కి దరఖాస్తు ఫీజు నుంచి మినహాయింపు ఉంది.
• దరఖాస్తు విధానం: ఆన్‌లైన్ ద్వారా దరఖాస్తు చేసుకోవాలి.
• జీతం: నెలకు రూ.44,500 – రూ.89,150 గా ఉంటుంది.
• ఎంపిక విధానం: ప్రిలిమినరీ ఎగ్జామినేషన్, మెయిన్ ఎగ్జామినేషన్, సైకోమెట్రిక్‌ టెస్ట్‌, ఇంటర్వ్యూ, డాక్యుమెంట్ వెరిఫికేషన్, మెడికల్ ఎగ్జామ్ ఆధారంగా ఎంపిక చేస్తారు.
• ప్రిలిమినరీ పరీక్ష విధానం: మొత్తం మార్కులకు 200 ప్రలిమినరీ రాతపరీక్ష నిర్వహిస్తారు. పరీక్షలో మొత్తం 200 ఆబ్జెక్టివ్ తరహా ప్రశ్నలు అడుగుతారు. ఇందులో రీజనింగ్ 20 ప్రశ్నలు-20 మార్కులు, ఇంగ్లిష్ లాంగ్వేజ్ 30 ప్రశ్నలు-30 మార్కులు, కంప్యూటర్ నాలెడ్జ్ 20 ప్రశ్నలు-20 మార్కులు, క్వాంటిటేటివ్ ఆప్టిట్యూడ్ 20 ప్రశ్నలు-20 మార్కులు, డెసిషన్ మేకింగ్ 10 ప్రశ్నలు-10 మార్కులు, జనరల్ అవేర్‌నెస్ 20 ప్రశ్నలు-20 మార్కులు, ఎకానమీ అండ్‌ సోషల్ ఇష్యూస్ 40 ప్రశ్నలు-40 మార్కులు, అగ్రికల్చర్ అండ్‌ రూరల్ డెవలప్‌మెంట్ 40 ప్రశ్నలు-40 మార్కులు. హిందీ/ ఇంగ్లిష్ మాధ్యమాల్లో ప్రశ్నలుంటాయి.

నోటిఫికేషన్‌

nabard-assistant

ముఖ్యమైన తేదీలు :

• ఆన్‌లైన్ దరఖాస్తులు ప్రారంభ తేదీ: జులై 27, 2024
• ఆన్‌లైన్ దరఖాస్తులకు చివరి తేదీ: ఆగస్టు 15, 2024
• ఫేజ్-1 (ప్రిలిమినరీ)- ఆన్‌లైన్ పరీక్ష తేదీ: సెప్టెంబర్‌ 1, 2024