Amaravati News Navyandhra First Digital News Portal
Rupay Credit Card: ప్రస్తుతం దేశంలో డిజిటల్ పేమెంట్లు భారీగా పెరిగాయి. అందులో యూపీఐ ట్రాన్సాక్షన్ల వాటానే అధికంగా ఉంటోంది. ఈ క్రమంలో క్రెడిట్ కార్డుల ద్వారా యూపీఐ పేమెంట్లు చేసేందుకు రూపే క్రెడిట్ కార్డులకు అవకాశం కల్పించింది కేంద్రం. ఇప్పుడు రూపే క్రెడిట్ కార్డులకు సంబంధించి నేషనల్ పేమెంట్స్ కార్పొరేషన్ మరో కీలక నిర్ణయం తీసుకుంది. బ్యాంకులకు ఎన్‌పీసీఐ కీలక సూచన చేసింది. ఇతర కార్డు లావాదేవీలపై అందించే రివార్డు పాయింట్లు, ఇతర బెనిఫిట్స్ రూపే క్రెడిట్ కార్డులకు అందించాలని స్పష్టం చేసింది. అలాగే రూపే కార్డులతో చేసే యూపీఐ ట్రాన్సాక్షన్లకూ రివార్డ్ పాయింట్లి అందించాలని తెలిపింది.
ఈ కొత్త నిబంధనలు సెప్టెంబర్ 1, 2024 నుంచి అమలు చేయాలని ఎన్‌పీసీఐ ఆదేశించింది. దీని ద్వారా రూపే కార్డుల వినియోగం పెరుగుతుందని, వాటి ద్వారా సాధారణ, యూపీఐ ట్రాన్సాక్షన్లు చేసే వారికి మరిన్ని రివార్డు పాయింట్లు అందుకునే అవకాశం కలుగుతుందని పేర్కొంది. ‘ క్రెడిట్ కార్డు రివార్డు పాయింట్లు ఇవ్వడం ద్వారా కార్డుల వినియోగాన్ని పెంచుతాయి. రూపే క్రెడిట్ కార్డు, రూపే క్రెడిట్ కార్డు యూపీఐ పేమెంట్లపై అందించే బెనిఫిట్స్.. ఇకపై ఇతర కార్డుల ట్రాన్సాక్షన్లకు అందించే రివార్డులు, ఇతర బెనిఫిట్స్‌తో ఏ మాత్రం తగ్గకుండా చూసుకోవాలి’ అని బ్యాంకులకు సూచించింది ఎన్‌పీసీఐ. అయితే, ఇంటర్ ఛేంజ్ ఫీజు వర్తించే ట్రాన్సాక్షన్లకు ఈ ఆదేశాల నుంచి మినహాయింపులు కల్పించింది.
క్రెడిట్ కార్డుల ద్వారా యూపీఐ ట్రాన్సాక్షన్లు చేసేందుకు రిజర్వ్ బ్యాంక్ ఆఫ్ ఇండియా 2022లోనే అవకాశం కల్పించింది. అందుకు రూపే క్రెడిట్ కార్డులను ఎంపిక చేసింది. రూపే కార్డులు ఉన్నవారికి మాత్రమే యూపీఐ ట్రాన్సాక్షన్లు చేసే అవకాశం లభించింది. ఈ క్రమంలో రూపే క్రెడిట్ కార్డులను జారీ చేయడం మొదలు పెట్టాయి బ్యాంకులు. నేరుగా ఫిజికల్ కార్డులతో పాటు డిజిటల్ రూపే కార్డులనూ జారీ చేస్తున్న సంగతి తెలిసిందే. కానీ, రూపే క్రెడి్ట కార్డు ట్రాన్సాక్షన్లపై ఇస్తున్న రివార్డులు, ప్రయోజనాలు ఇతర క్రెడిట్ కార్డులతో పోలిస్తే చాలా తక్కువగా ఉంటున్నాయి. దీంతో రూపే కార్డులు తీసుకునేందుకు ఎక్కువ మంది ముందుకు రావడం లేదు. ఈ సమస్య పరిష్కరించేందుకు ఎన్‌పీసీఐ కొత్త ఆదేశాలు జారీ చేసింది.
