Amaravati News Navyandhra First Digital News Portal
సూర్య తన కంగువా సినిమాకు ఏ రేంజ్‌లో కష్టపడ్డాడు.. ఏ స్థాయిలో ప్రమోషన్స్ చేశాడో అందరికీ తెలిసిందే. తెలుగు, తమిళ, మళయాల, కన్నడ, హిందీ భాషల్లో భారీ స్థాయిలో ప్రమోషన్స్ చేశాడు. ఢిల్లీ, ముంబై, బెంగళూరు, కొచ్చి, చెన్నై, హైదరాబాద్ వంటి సిటీల్లో పలు ఈవెంట్లు, ప్రెస్ మీట్లు పెట్టి ఇంటరాక్ట్ అయ్యాడు. సూర్య ఈ మూవీని తన భుజానికి ఎత్తుకుని అన్నీ తానై ముందుండి మరీ ప్రమోషన్స్ చేశాడు. మరి ఈ మూవీ నేడు (నవంబర్ 14) థియేటర్లోకి వచ్చింది. ఆల్రెడీ చాలా చోట్ల షోలు కూడా పడ్డాయి. మరి ఈ మూవీ ఎలా ఉంది? ట్విట్టర్‌లో పరిస్థితి ఏంటి? అన్నది చూద్దాం.
కంగువా అదిరిపోయిందని, పాజిటివ్ రెస్పాన్స్ వస్తోంది.. బ్లాక్ బస్టర్ ఆల్రెడీ అంటూ ట్విట్టర్‌లో ఫ్యాన్స్ సందడి చేస్తున్నారు. ఫైట్స్, విజువల్స్ ఇలా అన్నీ యాంగిల్స్‌లో శివ అదరగొట్టేశాడని చెబుతున్నారు. కంగువాలో అదిరిపోయే సర్ ప్రైజ్‌లు కూడా ఉన్నాయని అంటున్నారు. సూర్యకి ఇది కెరీర్ బెస్ట్ అవుతుందని చెప్పేస్తున్నారు.
ఫస్ట్ హాఫ్ అదిరిపోయిందని, సూర్య దుమ్ములేపేశాడని, డీఎస్పీ ఆర్ఆర్ బాగుందని, దిశా పటానీ గ్లామర్ కూడా ప్లస్ అవుతుందని అంటున్నారు. ఇంట్రోడక్షన్ సీన్, యేలో సాంగ్ విజువల్ ఫీస్ట్‌గా ఉంటుందని చెబుతున్నారు. అయితే చాలా మంది మాత్రం సినిమా వరెస్ట్ అని చెబుతున్నారు. సెకండాఫ్ చెడగొట్టేశాడని అంటున్నారు.
కంగువా యావరేజ్ లేదా బిలో యావరేజ్ మూవీ అని అంటున్నారు. యావరేజ్ సినిమాటిక్ ఎక్స్ పీరియెన్స్ అటుంచితే.. ముందు ఏం జరుగుతుందో ఊహించేస్తాం.. ప్రిడిక్టబుల్ స్టోరీ.. హీరో, విలన్ల మధ్య వేస్ట్‌గా బిల్డప్ క్రియేట్ చేశారు.. ఇలాంటి స్క్రీన్ ప్లేని ఇది వరకు శివ చిత్రాల్లో చాలా చూశామని అంటున్నారు.
ట్విట్టర్‌లో టాక్ అయితే కాస్త అటూ ఇటుగానే వస్తోంది. పూర్తి రివ్యూ రావాలంటే ఇంకొన్ని గంటలు ఆగాల్సిందే. అసలు సూర్యతో శివ ఎలాంటి ఫీట్లు చేయించాడు.. ఆ బ్యాక్ డ్రాప్‌ను ఎలా చూపించాడు.. దేవీ శ్రీ ప్రసాద్‌ను ఎలా వాడుకున్నాడు.. ఇవన్నీ తెలియాలంటే.. అసలు టాక్ బయటకు రావాల్సిందే. అసలు టాక్ రావాలంటే కొన్ని గంటలు వేచి చూడాల్సిందే.
