టాప్-6 మ్యూచువల్ ఫండ్స్.. పదేళ్లలో అదిరిపోయే లాభాలు.. 

భారత్‌లో గత కొంత కాలంగా పెట్టుబడులు పెట్టే వారి సంఖ్య ఏటా పెరుగుకుంటూ వెళ్తోందని చెప్పొచ్చు. ముఖ్యంగా మ్యూచువల్ ఫండ్స్‌వైపు జనం ఆసక్తి పెరుగుతోంది. ఇందులో ఇంకా ముఖ్యంగా సిస్టమేటిక్ ఇన్వెస్ట్‌మెంట్ ప్లాన్స్ (సిప్) జనాన్ని ఆకర్షిస్తున్నాయి. దీని ద్వారా ప్రతి నెలా నిర్దిష్ట మొత్తం డబ్బుల్ని కొంత కాలం వరకు ఇన్వెస్ట్ చేస్తుండాలి. అప్పుడు ప్రతి ఏటా మంచి రాబడితో లాంగ్ టర్మ్‌లో భారీగా లాభాలు అందుకోవచ్చు. అసోసియేషన్ ఆఫ్ మ్యూచువల్ ఫండ్స్ ఆఫ్ ఇండియా డేటా ప్రకారం కూడా సిప్ అనేది మోస్ట్ పాపులర్ లంప్ సమ్ ఇన్వెస్ట్‌మెంట్ ఆప్షన్‌గా కనిపిస్తోంది.

రెగ్యులర్‌గా పెట్టుబడులు పెట్టుకుంటూ పోవడం వల్ల ఆర్థిక క్రమశిక్షణ అలవడుతుంది. సిప్ ద్వారా ముందుగా చిన్న మొత్తాల్లో ప్రతి నెలా డబ్బుల్ని ఇన్వెస్ట్ చేస్తూ ఉండొచ్చు. ఆదాయం పెరుగుతున్న కొద్దీ దీనిని కూడా ఏటా లేదా ప్రతి నెలా కొంత శాతం పెంచుకుంటూ పోవాలి. అప్పుడు మ్యూచువల్ ఫండ్లలో కాంపౌండింగ్ మ్యాజిక్‌తో లాంగ్ టర్మ్‌లో మంచి ప్రాఫిట్స్ అందుకోవచ్చు. కాంపౌండింగ్ అంటే మరో భాషలో చక్రవడ్డీ అని చెప్పొచ్చు. అంటే వడ్డీపై వడ్డీ వస్తున్నట్లుగా పెట్టుబడి సమయం గడుస్తున్న కొద్దీ మంచి రాబడి అందిస్తుంది.

ఇప్పుడు గత 10 సంవత్సరాలుగా చూస్తే వార్షిక ప్రాతిపదికన అత్యధిక రిటర్న్స్ ఇచ్చిన మ్యూచువల్ ఫండ్స్ గురించి తెలుసుకుందాం. వీటిల్లో నిప్పన్ ఇండియా స్మాల్ క్యాప్ ఫండ్ పదేళ్లలో చూస్తే 26.43 శాతం వార్షిక రాబడితో అగ్రస్థానంలో ఉంది. క్వాంట్ స్మాల్ క్యాప్ ఫండ్ 22.54 శాతంతో రెండో స్థానంలో ఉంది. 16.44 శాతం వార్షిక సగటు రిటర్న్స్‌తో బరోడా బీఎన్‌పీ పారిబస్ లార్జ్ క్యాప్ ఫండ్ ఉంది. 22.85 శాతం రిటర్న్స్ లెక్కన ఫ్రాంక్లిన్ బిల్డ్ ఇండియా ఫండ్, 20.67 శాతంతో జేఎం ఫ్లెక్సీ క్యాప్ ఫండ్ వరుసగా ఉన్నాయి. ఇన్వెస్కో ఇండియా కాంట్రా ఫండ్ 19.78 శాతం సగటు రిటర్న్స్‌తో 6వ స్థానంలో నిలిచింది.

పాస్ట్ హిస్టరీని బట్టి ఇవి మంచి పెర్ఫామెన్స్ చేసిన మ్యూచువల్ ఫండ్లుగా చెప్పొచ్చు. అయితే ఇక్కడే.. గతంలో వచ్చిన సక్సెస్.. భవిష్యత్తులో వస్తుందని కచ్చితంగా చెప్పలేం. ఇది మార్కెట్ పరిస్థితుల్ని బట్టి మారొచ్చు. మ్యూచువల్ ఫండ్లలో ఆయా స్కీమ్స్‌కు ఫండ్ మేనేజర్లు ఉంటారు. మధ్యలో ఈ ఫండ్ మేనే‌జ్‌మెంట్ టీమ్ మారితే కూడా రిజల్ట్ మారొచ్చు. రిస్క్ కూడా ఉంటుందని గుర్తుంచుకోవాలి. స్టాక్ మార్కెట్లకు ప్రత్యామ్నాయంగా కాస్త తక్కువ రిస్క్ ఉండాలంటే మ్యూచువల్ ఫండ్లవైపు వెళ్లొచ్చు.